Auteur : Fedia STANISLAS

Nan machin piblik yo menm, depi w ta vle fè yo wè yon rezon, yo di w se demokrasi. Anpil ladan yo pa konprann sa ki emokrasi a e ki sans li genyen. Yo konfonn li ak fè dezòd jan yo vle. Gen yon seri kote nan Pòtoprens lè w moute yon bis, zorèy ou prèt pou eklate ak bwi, son baf yo reponn ou anba kè w . Ou pa fouti di bese l, chòfe a ap di w mete pye w atè, pran machin prive w. Gen lòt pasaje ki menm konn nan pale anpil ak lòt pasajè parèy yo pou sa. Nou ka pran bis ki fè Kafou Fèy, machin Jeral ki pral Karade yo chanpyon nan nan fè bwi.

Si nou ap pale de koripsyon ki gen nan fè kat sila a, ebyen biwo oni ki sou wout frè a chanpyon nan sa. Yo fè yon liy sou pretèks pou moutre gen liy. Men yon moun ki gen pran liy sila kapab pase tout jounen an anba solèy cho san li pa janm pase. Liy sa a pa janm mache ou sèlman gade ou wè moun ki pat janm nan liy lan ap pase rantre anndan al fè kat.

Moun fè jèn pou viza, pou maryaj pou travay, pou fè pitit. Jèn pa fèt san rezon. Depi wa p jene, ou dwe gen yon bagay w ap mande.

Sitiyasyon moun nan transpò piblik nan peyi Dayiti grav anpil. Bagay ki ta dwe fèw kriye. Chofè pa mete okenn estrikti pou pèmèt pasajè vwayaje alèz. Nan machin yo moun se pil sou pil. Tankou se zannimo yo pote. Zanmino? Nan peyi develope kote ki gen moun k ap regle koze peyi menm zanmino pa trete nan fason konsa.