Kèk Ayisyen ki fèt oubyen pase anfans yo nan w Bindonvil

Partager cet article:

Si nan lane 2020, 2021 geto yo se yon espas kote vyolans ak tout kalte move bagay kase randevou, li pa t toujou konsa. Espas sa yo ki chaje ak moun pa t toujou konsa. 

Bisantnè, Matisan, site solèy elatriye pa t toujou zòn kote pesonn pa vle reve, mizè ak grangou a te la, men fenomèn gang lan pat gen nivo sa, epi laperèz te anvayi tout bandi lè w di men polis. Ki deferan kounya kote bandi ap egzibe mateyryèl travay yo, epi mete pye yo sou kou moun yo jwenn kèk fwa menm polisye.

Geto yo se kote prèske tout gason ak fanm ki vin etidye isit ki pa gen gwo mwayen te pase, se la yo te vin pran elan apre pou ka deplwaye zèl yo si mobilite sosyal la respekte. Nou jwenn prèske chak moun gen w matent, yon tonton, yon pwòch ki te dakò yo fè ladesant nan w kay ki konstui ak tout nivo prekarite li.

Rezon sa fè nou pote pou ou plizyè moun ki te viv nan zòn ki kounya ap sibi anba men bandi san fwa ni lwa. Ak kèk lokalite kote bandi poko ap dirije men ki ap degrade jou an jou.

Frankétienne

Prens bèlè a jan yo te rele li, nan anfans se pitit yon fanm yo te vyole daprè sa yon jenn talan nan mizik isit rakonte. Li pase anfans li sou bèlè ki vin yon katye kote pesonn pa swete pile pou kounya, soti 2004 pou rive 2021 se pa yonn de ak twa moun ki pèdi lavi yo nan zòn sila, an 2020, 2021 nan w batay ki mete fas a fas zòn sa ak delma 6 ki gen nan tèt li yon ansyen polisye ki rele Jimmy Cherisier anpil moun konnen sou non Babekyou. Nan espas tan sa, yon lane òganizasyon dwa moun nan peyi Ayiti denonse 3 masak ki fèt sou sivil nan zòn sa.

Izolan

Jean Leonard Tout-Puissant ki se bon non rapè Ayisyen ki rele Izolan, te wè jou akayè men byen bonè li ta pral rantre Pòtoprens nan ri Nikola kay yon matant ki se trajektwa anpil moun Ayisyen suiv. 

li ta pral mete sou pye ak kèk zanmi Barikad Crew. 

Yon gwoup ki pa t byen vini nan koumansman li akoz se yon pakèt nèg geto. Atis la pase tout tan li nan ri Nikola, pou kounya li son w atis ki anbrase politik k ap milite men tou yon antreprenè ki fè siksè akote yon gwoup etranje w nan w biznis aza.

Jovenel Moïse

San dout chak moun ki pral tonbe sou non Prezidan Ayisyen a ki pa pataje vizyon politik li pral konteste prezans li nan lis moun eksepsyonèl. Men nou ka dakò li pa rezève ak tout moun pou chita nan palè, vwa pou dirije yon nasyon. Jovenel Moïse soti nan nò pou li enstale li nan Chanel komin kafou. Ki vle di janbe ma dlo, dòmi nan w chanm kay ak 7, 8 moun pa etranj pou Prezidan Ayisyen an. 

Malgre anpil moun sèvi ak sa pou montre li son w ansyen malere, nou mete anfaz sou kouraj mesye sa pou l grenpe echèl jis li vin chèf leta, sa anpil moun ta renmen mete nan palmarès yo avan yo kite ti bout tè sa.

Mario Andresol

Nan lis sila gen anpil polisye pami moun ki soti nan zòn sa yo, paske lapolis rete yonn nan metye anpil jenn gason ki grandi nan bidonvil konvwate. Zòn sa yo ki te vilnerab epi kounya ki vin veritab  fyèf bandi se basyon anpil anpil polisye. Ansyen Direktè jeneral Lapolis la, Mario Andresol te abite sou gran ri, yon zòn ki pa t toujou sou kontwòl nèg ak zam ki vin pliye anba pwostitisyon. Pou kontinye etid segondè li, Mario Andresol te abite sou gran ri, tousuit li te tanmen karyè polisye li, li te demenaje delma 6, ankò yon zòn pou kounya ki sou kontwòl bandi, kote laperèz ap jwe fanfa gwo jounen. Sa pa anpeche, Mario Andresol se yonn nan Direktè polis anpil moun renmen, ki kreye yon plas pesonn pa ka inyore nan sosyete Ayisyen an.

Roody Roodboy

Roody Petuel Dauphin se non jenn gason sa ki se yon talan konfime nan sektè mizik Ayisyen an. Nan kesyon varyete, li se yonn nan pi bon yo, sa anpil moun rele mizik ibèn lan.  Roody te oblije rete nan geto Site militè pou l fè fas ak tout kalte pwoblèm avan l vin etwal li ye jodi a. Chantè a fèt epi grandi site militè yon zòn ki pa gen bon jan repitasyon, se pa zòn kote klas moun ki gen kòb yo abite. Atis la grandi, li patisipe nan w konkou talan, li montre sa li kapab fè jiskaske li kreye plas li nan mizik pa bò isit. Nan mizik Roody toujou , montre lanmou l pou zòn site militè, epi toujou pare pou l ede kèk moun k ap konfwonte pwoblèm daprè enfòmasyon nou genyen. 

Defi Powèt revòlte

Yon lis moun ki vin pèsonalite piblik ki soti nan geto, nou pa ta ka kite dèyè Nèg ki mete Kastwo sou map la. Nan mizik li yo, elòj pou geto li enkonparab, site kastwo toujou la pou rime bèl istwa ki makonnen anpil sikatris lavi. Li fèt epi grandi anndan site kastwo kote anpil jèn mouri pi bonè san yo pa wè siksè yo. Sa ki lage nan pwostitisyon, ki mouri anba bal, zetwal yo konn etenn ki se te yonn nan mizik ki te sou albom Rhod over Defi, ki te pi bèl albòm nan ane li te devwale li a. Atis la grandi nan difikilte, li pa janmè kache verite sila. Ak Tafa nan lis sa, geto yo montre ki kantite talan k ap boujonnen nan espas sa yo ki pa gen lojman sosyal desan. Defi pitit kastwo, tout fanatik li konn sa.

Jhonson Napoléon

Lè w di non sa, gen anpil istwa ki dèyè l, si w son w jèn Ayisyen ki branche entènèt, non sa vle di anpil Bagay pou ou. Se yon moun ki bay tèt li pou motive jenn gason ak fanm. Li pa vle yo dekouraje, li toujou raple li soti matisan 7, ki se kounya yon zòn ki anba men Tibwa ki gen w gwoup gang ki gen nan tèt li krisla. 

PDG Azure Collège la pase anfas li nan w zòn Matisan ki vin pi difisil pou moun pase vwa viv ladan l. Se te toujou yon bidonvil men yon paran ki nan vil pwovens te ka kite pitit li vin fè zam li la. Pou goumen ak lavi. An 2021 refleksyon yo pa p menm, paske bandi yo vin pi puisan epi se pa ankachèt zak yo fèt. Jhonson Napoleon te ka gen plis difikilte si l te veki nan ane sa yo matisan. 

Michel-Ange Gédéon 

Anpil moun pale de li nan konjonkti politik nou gen la, kote yo fè referans ak diskou li avan l te kite tèt Polis Nasyonal la. PNH. Li se te yon polisye ki pase anpil tan nan Kafoufèy. Kote depi kèk tan bandi tann nas yo pou asasinen sitwayen nan zòn lan. Michel-Ange fè chwa lapolis pou reyisit lavi li, anpil moun te bat men paske se te premye polisye ki gravi echelon pou rive pi wo nan kò legal sa. Zòn sila ki se basyon Baz pilat ki epi tou ki te pase anpil move jou anba men Tije yon chèf gang lapolis te tiye. 

Direktè PNH la grandi epi fè chwa lapolis malgre anpil difikilte sou wout li. Anpil moun respekte pakou li, genyen ki bat bravo pou pakou enspiran li nan tèt polis nasyonal peyi d Ayiti.

Tafa mi-Soleil

Tafaïna jenn atis sa ki devwale talan li nan kèk mizik li fè ak ak 35 Zile apre kolaborasyon li ak Defi ta pral mete l nan w nivo akseptab. Atis sa ki nan ventèn li pase anfans li Nerèt yonn nan bidonvil nan komin Petyonvil. Si vwa l epate w, si renmen tande l k ap lavwe mizik sove vi l, son reyalite. Paske nan koridò nèrèt yo se la li grandi epi ak fanmi li. Son w jenn fi ki poko atenn nivo l vle kreye a, men li ap trase w chimen nan mizik kote anpil fanatik komanse aksepte talan komfime sa.

Sonley CHERISIER

Journaliste, étudiant en sociologie et entrepreneur. Bon amant de la lecture et de la politique. Un mordu de la diplomatie et les sujets internationaux.

Laisser un commentaire

%d blogueurs aiment cette page :