Lapolis lanse yon avi pou ede l chache 7 polisye ki fè pati gwoup Fantom 509

Partager cet article:

Jounen lendi 22 mas la, pa t pase dous jan anpil medya t ap anonse sa, ak yon polisye ki nan inite espesyalize UDMO ki mouri sou otowout delma plis yon lòt ki te transpòte lopital an ijans apre l te fin pran w bal. Bilan jounen an te gen ase panik pou paralize aktivite yo nan Pòtoprens. 

Polisye UDMO sa yo ki te nan kafou delma 33 ta pral tante mete w ola, gwoup ame sa ki anndan lapolis la ki gen non Fantom 509 te risposte ak kout zam, nan echanj yo, polisye Mistral Pierre Richard ki pran plizyè bal mouri menm kote a. Mesye Fantom 509 yo te atake yon bis pandan jounen an, yon machin ki te gen ladan l jwè nasyonal Beliz yo. Yon atak anpil medya entènasyonal kritike anpil.

Anbasad Ameriken ki pa bò isit an Ayiti pa rete dwèt sou bouch, nan w soti Anbasad sila a fè li kalifye Mesye Fantom 509 yo de gwoup kriminèl, peyi tonton Sam pa fè menm jan ak Primati ak Direksyon jeneral polis la pou kalifye yo Teworis men pito son w òganizasyon k ap fè krim ki pa kadre ak lalwa.

Direksyon polis la bò kote pa l mande pou ede l chache 7 polisye genyen ladan yo selon nòt sila ki te deja revoke. Pami moun sa yo, ansyen pòt pawòl sendika SPNH17 la Abelson Gros-Nègre, pòt pawol kounya a Jean Elder Lundi, san nou pa bliye Pascal Alexandre polisye sa ki te pase plizyè mwa deja nan prizon, sa anpil moun te wè ki abitrè ak 4 lòt polisye. Jean Fritz Magny ki se avoka Premye sendika Lapolis la te jwenn arestasyon l tou nan Direksyon polis lwès la nan maman li t ap notifye yon manifesyon pou gwoup sila a. Pou kounya anpil moun panse mouvman sila a frennen apre divès reyaksyon sa yo. 

Sonley CHERISIER

Journaliste, étudiant en sociologie et entrepreneur. Bon amant de la lecture et de la politique. Un mordu de la diplomatie et les sujets internationaux.

Laisser un commentaire

%d blogueurs aiment cette page :