SPORT | Aktivite relansman jido ayisyen an nan Okap ayisyen samdi 31 oktòb

Partager cet article:

Nan lide pou make jounen mondyal jido a, “Ligue Nord et Nord-Est” (LINOJU) jido an Ayiti ap òganize yon kokennchenn jounen  manifestasyon espòtif, samdi 31 ocktòb la nan lakou Okap, nan Jimnazyòm Channmas. Kadè, jinyò ak minim, se ap 3 kategori kap patisipe nan konpetisyon sa.

28 oktòb la se jounen mondyal disiplin espòtif sa ki rele jido a, anpil mobilizasyon kap fèt pou dewoulman tounwa jido kap fèt nan gran Nò a samdi kap vini an. Prezidan Ligue-Nord- Nord-Est, mesye Francilien Marc-Arthur mande pou laprès espòtif la pwofite de jounen sa pou fè pwomosyon pou relanse jido a nan peyi Dayiti.

“Mwen pwofite de jounen 28 oktob sa pou mwen remesye e felisite tout ekip kominikasyon an (gwoup Linoju kontak Media) a ki mobilize nan ide pou rann vizib aktivite jido yo e asire relans ak pwomosyon jido nan tout peyi a.   Mwen kwè ke bon jan fwi gen pou vini a pati de jèm sa yo. Nap Kenbe djanm toujou nan inite,  solidarite , tolerans ak respè! Bòn fèt pou nou tout, ann selebre jou ki pou jido a!  Ansanm Pi fò! (stronger together)”, se deklarasyon, Francilien Marc-Arthur prezidan “Linoju”

Objektif konpetisyon jido sa se pou relanse pwomosyon pou jido a an Ayiti, e lap konte tou pou kalifikasyon  kadè ak jinyò  pou “jeux panaméricains” kap dewoule nan peyi Mexique ak République Dominicaine mwa novanm ak desanm pwochen.

Aprè konpetisyon jido ki te reyalize nan “Ligue-Ouest” la 24 oktòb pase a, evènman samdi 31 oktòb la ap dezyèm chanpyona jido apre pasaj kowonavris la. Lap reyini kategori 48kg, 52kg, 57kg, 63kg epi 70 kg.

Stanley LEANDRE

Stanley LEANDRE

Stanley LEANDRE

Laisser un commentaire

%d blogueurs aiment cette page :