CULTURE | Yon ekstrè nan liv Konfidans, Pri Deschamps 2019

Partager cet article:

Eske ou li “konfidans” deja? Se pi bèl woman ki te soti nan lane 2019 selon Henry Deschamps, woman sila se Fédia Stanislas ki se pou kounya jounalis “Le Témoin” epi sekretè redaksyon jounal sila a Ki ekri li, nou pote w ti moso tou kout pou ou.

Gwo mak machin kòmanse. Moun ap rasanble, vin pran plezi. Pa nenpot moun. Yo fre, yo gra, yo debake byen abiye. Se premye fwa mwen we tout kostim chè ak bèl wòb sware sa yo yon sèl kou. Bijou medam yo klere pase limyè nan plafon salon kay la, makiyaj yo pi bel pase kout penso nan tablo atis Channmas. Moun yo ap pale tout lang anndan kay la, gen sa m konprann tankou fransè, panyòl ak kreyòl, gen lòt m devine tankou anglè, men genyen se premye fwa m tande son yo. Moun yo chita sou tab bò pisin lan, y ap vide diven, whisky, vodka ak lòt gwo bwason m pa t janm konnen.

Yon gwo nèg wo leve al pale nan zorèy demwazèl la. Vizaj li di m yon bagay. Li sanble yon moun nan gouvènman an ki konn pran lapawòl nan televizyon. Kèk minis oswa kèk palemantè. Yon lòt leve dèyè l, al pale ak demwazèl la. M konn figi tout. Li sanble ak yon anbasadè, antouka yon gwo chabrak. M pa t janm wè tout kalte blan sa yo yon sèl kou. Sa fè m panse ak sa anpil reprezantan òganizasyon entènasyonal ap regle vrèman nan peyi isit. Se yon batay kite genyen pou demwazèl la, finalman tout gason yo te vle genyen l. men, se te madan prezidan an ki te gen demwazèl la. Mwen di tèt mwen, petèt se pou l ka sove l anba grif atoufè yo…

Nòt, woman sila nan Astérix,La pléiade,J’imagine, ak Maison Henry Deschamps.

Sonley CHERISIER

Journaliste, étudiant en sociologie et entrepreneur. Bon amant de la lecture et de la politique. Un mordu de la diplomatie et les sujets internationaux.

Laisser un commentaire

%d blogueurs aiment cette page :