Foutbòl-Teknoloji: Sinyale òje otomatik se nouvo posibilite responsab FIFA yo ap panse pou aplike nan Mondyal 2022 a

Arsène Wenger ki se direktè devlopman foutbòl la nan mond lan anonse gen yon nouvo Teknoloji responsab FIFA yo vle aplike nan mondyal 2022 a k ap fèt nan peyi “Qatar”. 

Jwèt foutbòl la chak jou ap evolye sitou ak evolisyon teknoloji a ki bay avantaj pou regilarize kèk detay nan jwèt sa, nan sousi pou bay plis konfyans nan desizyon abit yo ap pran. Gen anpil chans pou òje vin otomatik nan ane 2022 a deklare ansyen antrenè ekip Arsenal nan peyi Angletè Arsen Wenger nan yon konferans pou laprès nan peyi Lafrans. 

Antrenè a ajoute se yon bagay ki rete sekrè sou kòman yo pral aplike nouvo Teknoloji sa. Men tou li asire se pral youn nan gwo evolisyon jwèt sa nan koze abitraj. Si lè abit yo bay òje se nan abitraj videyo verifikasyon yo fèt, ebyen foutbòl la ka pase yon vitès siperyè pou jere pwen sa ak teknoloji a, daprè Arsène Wenger. Yon travay ki ta dwe disponib avan lansman mondyal la 21 novanm 2022. 

Arsène Wenger Direktè devlopman foutbòl

Avan deklarsyon Wenger a, mwa jwen 2020 FIFA te anonse yo vle modifye sa, men pito ak yon teknoloji ki pa fin otomatik pou l te kapab founi enfòmasyon anplis ak Videyo Abitraj la sou desizyon abit la. 

Chak jou teknoloji a ap pran plis plas nan foutbòl la. Pandan anpil moun konn ap rejwi de entegrasyon sistèm otomatik yo, konsa tou li konn dezavantaj, si nou ka fè referans ak VAR la ki pa janm sispann desevwa jwè k ap parye yo.

Kilè teknoloji a ap rive foutbòl lakay pa nou an Ayiti ?

Carl Henry Florant

Le Témoin

Bouton retour en haut de la page
Recevoir les Notifications ?    OK NON