NationalPolitiqueSociété

Grefye Nimewo an chèf pakè Pòtoprens lan, Wilbert Rhau arete pou vòl

Dapre yon sous nou ka fè konfyans, Grefye Wilbert Rhau ki se grefye nimewo 1 pakè kapital la nan prizon pandan l ap tan otorite ki konpetan tranche sou dosye li.

Grefye sila a ki vin sou twal la pou yon ènyèm fwa apre altèkasyon li menm ak ansyen Direktè depatmantal lwès Berson Soljour.  Fwa sa, komisè gouvènman pou yon ti bout tan Pòtoprens lan Mèt Claude Bed-Fort ki otorize arete grefye a pou yon lajan li ta pran. Lajan sa ki te reprezante yon prèv malvèzasyon.

Montan lajan daprè menm sous sa, se te 550.000 goud (lajan Ayisyen) ak 5.000 dola ameriken. Wilbert Rhau te enfòme pakè a yo ta vandalize biwo l pote ale lajan somme lajan sila a, poutan li te jis mete li nan biwo prive li nan pakè a.
Pou kounya grefye a nan gadavi ap tann pou konnen si l ap jwenn liberasyon l oubyen lalwa pra l aplike sou li.

Bouton retour en haut de la page