Sekretè Jeneral Palè a egzije pote materyèl ki te mete disponib pou Prezidan Moïse yo tounen

Nan yon nòt ki parèt nan jounen 29 jiyè a, ki gen siyati Lyonel Valbrun ki se sekretè jeneral Palè Nasyonal, li mande ak tout moun ki gen materyèl Palè ki t ap itilize pou travay ansyen Prezidan defen Jovenel Moïse, pou pote yo tounen. 

Nòt ki pote siyati Sekretè jeneral Palè Nasyonal la; Lyonel Valbrun

22 jou apre lanmò trajik Prezidan Jovenel Moïse, ki te mouri asasinen lakay li nan lannwit 6 pou louvri 7 jiyè pase, Sekretè Jeneral Palè a mande ak tout moun, ki te gen materyèl ki t ap sèvi Prezidan Moïse pou pote yo vini nan lokal Palè Nasyonal. 

Nan nòt la, Lyonel Valbrun fè konnen, byen, oubyen nenpòt materyèl li ta ka ye, ki te an posesyon yon moun, li genyen jiska lendi 16 dawout pou fè yo rive nan lokal Palè Nasyonal, pase delè sa, leta ap oblije aplike fòs pou l rekipere yo, nan pwofi leta Ayisyen. 

Le Témoin

Bouton retour en haut de la page
Recevoir les Notifications ?    OK NON